ⵉⵙⵏⵡⵉⵜⵏ

‘’ⵣⵣⵎⵉⵜ’’ ⵢⴰⵜ ⵜⵉⵔⵎⵜ ⵏⵏⵉⴹⵏ ⵏⵏⴰ ⵉⵜⵜⵡⴰⵀⵉⵢⵢⴰⵏ ⵙⴳ ⵓⵡⵡⵔⵏ ⵏ ⵜⵎⵥⵉⵢⵏ ⵉⵣⵡⴰⵏ. ⵉⵍⵍⴰ ⵢⴰⵏ ⵉⵎⵉⴽⴽ ⵏ ⵓⵙⵏⵓⵃⵢⵓ ⴳⵔ ⴰⵙ ⴷ ⵜⵎⴰⵎⴽⵜ ⵏ ⵓⵙⵏⵡⵉ ⵏⵏⵙ ⴰⴽⴷ ⵜⵉⵔⵎⵜ ⵏ ‘’ ⴱⵓⵍⴳⵎⴰ’’ ⴰⵔ ⵜⵜⵙⵙⵓⵔⵏ ⴰⵡⵡⵔⵏ ⵉⵣⵡⴰⵏ ⴰⴽⴷ ⵉⵎⵉⴽ ⵏ ⵡⴰⵎⴰⵏ ⵉⵔⵖⴰⵏ ⴷ ⵜⵃⵍⵓⵜ ⴷ ⵜⵎⵓⴷⵉⵜ ⴷ ⵓⵜⴰⵜⵉⵎ ⵏ ⵓⵣⵎⵎⵓⵔ.

ⵜⴳⴰ ⵢⴰⵜ ⵜⵉⵔⵎⵜ ⵏⵏⴰ ⵉⵜⵜⴰⵔⵉⵏ ⵙⴳ ⵉⵔⵡⴰⵢⵏ ⵏ ⵓⵅⴷⵉⵍ ⵏⵏⴰ ⵉⵜⵜⵉⵍⵉⵏ ⴰⴷⴷⴰⵢ ⵉⵜⴽⵯⴰⵔ ⵍⵉⴷⴰⵎ ⵏⵖ ⴰⴷⴷⴰⵢ ⵜⵉⵍⵉⵜ ⴳ ⵡⴰⴷⴷⴰⴷ ⵏ ⵢⵉⵣⵣⵉ (ⴰⵣⵣⴰ). ⴰⵔ ⴱⴰⵀⵔⴰ ⵜⵜⵢⴰⵛⵛⴰ ⴳ ⵜⵉⵣⵉ ⵏ ⵓⵏⵔⵖⵉ ⴰⵛⴽⵓ ⴰⵔ ⵜⵙⵙⵓⵊⵊⵓⵢ ⵉⵔⵉⴼⵉ ⵉⴳⴳⵓⵜⵏ ⵏⵖ ⵡⴰⵏⵏⴰ ⵉⵛⵃⴼⵏ.

‘’ⵍⵄⴰⵢⵛ’’ ⴷ ⵜⵉⵔⵎⵜ ⵜⴰⴱⵍⴷⵉⵢⵜ ⵜⴰⴳⴷⵓⴷⴰⵏⵜ ⵏⵏⵉⴹⵏ ⵏⵏⴰ ⵉⵍⵍⴰⵏ ⴳ ⵜⵏⵉⵔⵉ, ⵜⴳⴰ ⵢⴰⵏ ⵓⵙⴽⴽⵉⴼ ⵏⵏⴰ ⵉⵜⵜⵓⴳⴰⵏ ⵙⴳ ⵜⵎⵥⵉⵢⵏ ⵏⵖ ⴰⵢⵏⵏⴰ ⵎⵉ ⵜⵜⵉⵏⵉⵏ ‘’ⴷⴷⵛⵉⵛⴰ’’. ⵃⵎⴰ ⴰⴷ ⵀⵉⵢⵢⴰⵏ ⵜⵉⵔⵎⵜ ⴰⴷ ⵓⵔ ⵍⵉⵏ ⴰⵏⴰⵡⵏ ⴰⵔ ⵜⵙⵙⵓⵔⵏ ⵉⵚⵃⵕⴰⵡⵉⵢⵏ ⵜⵉⵎⵥⵉⵢⵏ ⵏⵏⴰ ⵉⵔⴽⵎⵏ ⴳ ⵡⴰⵎⴰⵏ ⴳ ⵢⴰⵏ ⵓⵔⵓⴽⵓ ⵏⵏⴰ ⵎⵉ ⵜⵜⵉⵏⵉⵏ ‘’ⵍⵎⵔⵊⴰⵏ’’ ⴰⴽⴷ ⵓⴽⵯⴼⴼⴰⵢ ⴰⵃⵍⵍⴰⵡ ⵏⵖ ⴷ ⵜⵎⵓⴷⵉⵜ ⵏⵖ ⴰⵣⴰⵜⵉⵎ ⵏⵖ ⴰⴽⵯⴼⴼⴰⵢ ⵏ ⵡⴰⵖⴰⴹ. ⴷⴰ ⵜⵜⵓⴼⴽⴰ ⵜⵔⵡⴰⵢⵜ ⴰⴷ ⴳ ⵢⴰⵏ ⵓⵃⵍⵍⴰⴱ ⵉⵥⵍⵉⵏ ⵏ ⵉⴷⵇⵇⵉ ⵏⵏⴰ ⵎⵉ ⵜⵜⵉⵏⵉⵏ ‘’ⵍⴳⵙⵄⴰ’’.

‘’ⵎⵔⵉⴼⵙⴰ’’ ⵉⴳⴰ ⵓⵍⴰ ⵏⵜⵜⴰ ⵢⴰⵜ ⵜⵉⵔⵎⵜ ⵜⴰⴷⵖⵔⴰⵏⵜ ⵉⴳⴰⵏ ⴰⵎⴷⵢⴰ ⴰⵔ ⵉⵜⵜⵓⴼⴽⴰ ⴳ ⵜⵉⵣⵡⵓⵔⵉ. ⵉⴳⴰ ⵢⴰⵜ ⵜⵉⵔⵎⵜ ⵏⵏⴰ ⵉⵜⵜⵓⴳⴰⵏ ⵙⴳ ⵓⴽⵙⵓⵎ ⵏ ⵉⵇⵏⵉⵏⵏ ⵏⵖ ⵏ ⵡⵓⴷⴰⴷ ⵏⵖ ⴰⵍⵖⵎ ⴰⴽⴷ ⵓⵥⴰⵍⵉⵎ ⴷ ⵜⵉⵙⵙⴽⵔⵜ. ⴷⴰ ⵉⵜⵜⵡⴰⵜⵛⴰ ⴰⴽⴷ ⵜⵖⵔⵎⵉⵏ ⵏⵏⴰ ⵉⵏⵡⴰⵏ ⴳ ⵓⵎⵍⴰⵍ.

ⵜⵜⵓⵢⴰⵙⵙⴰⵏ ⵜⵏⵉⵔⵉ ⴰⵡⴷ ⵙ ⵓⵏⵡⴰⵍ ⵏⵏⵙ ‘’ⵎⴰⵔⵓ ⴷ ⵓⴽⵙⵓⵎ’’ ⵏⵖ ⵕⵕⵓⵥ ⴷ ⵓⴽⵙⵓⵎ ⵏⵏⴰ ⴳ ⵍⴰⵃ ⴰⵡⴷ ⵃⴰⵃ ⵏ ⵜⵖⴰⵡⵙⵉⵡⵉⵏ ⵉⵜⵜⵓⴳⴰⵏ. ⴷⴰ ⵜⵜⵡⴰⴳ ⵜⵉⵔⵎⵜ ⴰⴷ ⵜⴰⵚⵃⵕⴰⵡⵉⵢⵜ ⵉⵣⴷⴷⵉⴳⵏ ⵙ ⵢⴰⵜ ⵜⵎⴰⵎⴽⵜ ⵜⴰⴱⵍⴷⵉⵢⵜ ⵉⵔⵅⴰⵏ ⴱⴰⵀⵔⴰ ⴰⴽⴷ ⵓⴽⵙⵓⵎ ⵏ ⵓⵍⵖⵎ ⵏⵖ ⵜⴰⵖⴰⴹⵜ.

ⴷⴰ ⵜⵜⵓⵙⵏⵡⴰ ⵜⵉⵔⵎⵜ ⴰⴷ ⵜⴰⴱⵍⴷⵉⵢⵜ ‘’ⴱⵍⵀⴰⵎⵛ’’, ⴷⴰ ⵜⵜⵓⵙⵏⵡⴰ ⵜⴽⵙⵓⵎⵜ ⴷ ⵢⴰⵏ ⵉⵎⵉⴽ ⵏ ⵡⵓⴷⵉ ⵇⵇⴰⵃ ⵉⵍⵎⵎⴰ ⴷⴰ ⵙ ⵜⵜⵓⴳⴰⵏ ⵡⴰⵎⴰⵏ ⴷ ⵜⵉⵙⵏⵜ, ⴳ ⵓⵎⴳⴳⴰⵔⵓ ⵕⵕⵓⵥ ⵃⵎⴰ ⴰⴷ ⵙⵔⵙⵏ ⵜⵉⵔⵎⵜ. ⴽⵔⴰ ⵏ ⵉⵡⴷⴰⵏ ⴷⴰ ⵜⵜⵉⵔⵉⵏ ⴰⴷ ⴰⵙ  ⵔⵏⵓⵏ ⵓⴷⵉ ⵃⵎⴰ ⴰⴷ ⵉⵎⵎⵉⵎ ⵓⴳⴳⴰⵔ.

ⵜⵉⵔⵎⵜ ⵏ ‘’ⵜⵉⴷⴽⵉⵜ’’ ⵏⵖ ‘’ⵜⵉⵛⵜⴰⵕ’’ ⵜⴳⴰ ⵢⴰⵜ ⵜⵉⵔⵎⵜ ⵜⴰⴱⵍⴷⵉⵢⵜ ⵏⵏⵉⴹⵏ ⵉⵃⵍⴰ ⵖⵓⵔ ⵉⵎⵣⴷⴰⵖ ⵏ ⵜⵙⴳⴳⵯⵉⵏ ⵏ ⵉⴼⴼⵓⵙ ⴰⴷ ⵜ ⴳⵉⵏ ⵙ ⵓⴽⵙⵓⵎ ⵏ ⵓⵍⵖⵎ. ⴷⴼⴼⵉⵔ ⵏ ⵎⴰ ⴷⴰ ⵇⵇⵔⵙⵏ ⵉ ⵓⵍⵖⵎ ⴱⴹⵓⵏ ⵜ ⵅⴼ ⵜⴰⵡⵊⵉⵡⵉⵏ, ⴷⴰ ⵃⵟⵟⵓⵏ ⵉⵚⵃⵕⴰⵡⵉⵢⵏ ⴰⴽⵙⵓⵎ ⵢⴰⵜ ⵜⵉⵣⵉ ⵜⴰⵖⵣⵣⴰⴼⵜ ⴰⵔ ⵜ ⵜⵜⴱⴱⵉⵏ ⵣⵓⵏ ⴷ ⵉⴳⵓⵜⴰ, ⴰⵔ ⵜ ⵥⵍⵍⵉⵏ ⵉⵍⵎⵎⴰ ⵅⴼ ⵜⴷⵓⵏⵜ, ⴰⵔ ⵣⵣⵡⵓⵏ ⴰⴽⵙⵓⵎ ⴰⵔ ⵜ ⵙⵏⴰⵍⵏ ⵉ ⵜⴰⴼⵓⵛⵜ. ⴷⴰ ⵉⵜⵜⵓⴳⴰ ⴳ ⵉⴷⵙⵏ ⵉⵅⵕⵟⴰⵏ ⵉⵥⵍⵉⵏ ⴰⴷⴷⴰⵢ ⵜ ⵜⴽⵛⵎ ⵜⴰⵖⴰⵔⵜ  ⵇⵇⴰⵃ.

 ⴰⵔ ⵜⴻⵜⵜⵉⵍⵉ "ⵜⵉⴷⴽⵉⵜ" ⵜⵡⵊⴰⴷ ⵖⴰⵙ ⵎⴰⵍⴰ ⵉⵏⵡⴰ ⵓⴽⵙⵓⵎ ⵏ ⵓⵙⴰⵡⴰⵔ ⴷ ⵉⵎⵉⴽⴽ ⵏ ⵡⴰⵎⴰⵏ ⵅⴼ ⵡⴰⴼⴰ ⵉⴷⵔⵓⵙⵏ, ⴰⵔ ⵉⵜⵜⵡⴰⴱⴱⴰⵢ ⴰⵔⴷ ⵉⴳ ⵣⵓⵏ ⴷ ⴽⵔⴰ ⵏ ⵜⵔⴽⵜⵓⵜ ⵎⵉ ⵏⵔⵏⵏⵓ ⵉⵎⵉⴽⴽ ⵏ ⵡⴰⵎⴰⵏ (ⵉⵎⵔⵖⴰⵏ) ⵏⵉⵖ ⴷ ⴰⴽⴽⵯ ⵉⵎⵉⴽⴽ ⵏ ⵜⴰⴷⵓⵏⵜ ⵉⴷⵔⵓⵙⵏ.

 ⵉⴳⴰ ⵙⴽⵙⵓ ⵢⴰⵜ ⵜⵉⵔⵎⵜ ⵏⵏⵉⴹⵏ ⵜⴰⴱⵍⴷⵉⵢⵜ ⵉⵜⵜⵡⴰⵙⵙⴰⵏ ⴳ ⵜⵎⵏⴰⴹⵉⵏ ⵏ ⵜⵏⵣⵔⵓⴼⵜ. ⵡⴰⵅⵅⴰ ⵉⵔⵡⴰⵙ ⵙⴽⵙⵓ ⵏ ⵜⵏⵣⵔⵓⴼⵜ ⵙⴽⵙⵓ ⴰⵎⵖⵔⴰⴱⵉ ⴰⴷⵙⵍⴰⵏ, ⵉⵍⵍⴰ ⵎⴰ ⴷ ⵜ ⵉⵜⵜⵉⵔⵉⵏ ⴱⵍⴰ ⵏ ⵓⴽⵙⵓⵎ ⴰⵔ ⴰⵙ ⵜⵜⵉⵏⵉⵏ ⵙⴽⵙⵓ "ⵍⵖⴰⴱⴱⴰ", ⴰⵢⴷⴷⵖ ⵏ ⵙⴽⵙⵓ ⵏ ⵜⵏⵣⵔⵓⴼⵜ ⵉⵣⴷⴷⵉⴳⵏ ⴰⵔ ⵉⵜⵜⵓⵙⴽⴰⵔ ⵙ ⵓⴼⵜⴰⵍ ⵏ ⵓⵡⵡⵔⵏ ⵏ ⵜⵓⵎⵥⵉⵏ ⵉⵣⵡⴰⵏ ⵉⵏⵡⴰⵏ ⵙ ⵉⵔⵓⴳⴳⵯⴰ ⵏ ⵡⴰⵎⴰⵏ ⵉⵜⵜⵓⵙⵎⵔⴽⵙ ⵖⴰⵙ ⴷ ⵓⴽⵯⴼⴼⴰⵢ ⵏ ⵓⵍⵖⵎ ⴷ ⵓⵙⴽⴽⵯⴰⵔ.

Couscous is another popular traditional meal in the Sahara region. Although Sahrawi couscous is very similar to the original Moroccan couscous, some of them prefer it without meat, which they call "al-ghabba" couscous. This pure Sahrawi couscous is prepared by twisting the dried barley flour cooked on the water vapor and mixing it with only camel milk and sugar.