ⵜⴰⵎⵍⵃⴰⴼⵜ ⴷ ⵜⴳⵏⴹⵓⵕⵜ

ⵣⵓⵏⴷ ⴰⴽⴽⵯ ⵜⵉⵎⵖⴰⵔⵉⵏ ⵜⵉⵎⴰⵣⵉⵖⵉⵏ, ⵜⵉⴼⴰⵙⵉⵢⵉⵏ, ⵜⵉⵊⴱⵍⵉⵢⵉⵏ ⴷ ⵜⵡⵊⴷⵉⵢⵉⵏ ⵍⵍⵉ ⵉⵍⵙⵙⴰⵏ ⵜⵉⵎⵍⵙⴰ ⵜⵓⴼⵔⵉⴷⵉⵏ, ⴷⴰ ⵜⵜⴰⵕⴹⵏⵜ ⵜⵎⵖⴰⵔⵉⵏ ⵜⵉⵙⵃⵔⴰⵡⵉⵢⵉⵏ ⵜⴰⵎⵍⵃⴰⴼⵜ ⴽⵓ ⴰⵙⵙ ⴰⵢⵏⵏⴰ ⵉⵔⴰ ⵉⴳ ⵜ ⵡⴰⴷⴷⴰⴷ. ⵜⵉⵎⵖⴰⵔⵉⵏ ⵏ ⵎⴰⵕⵕⴰ ⵉⵡⵜⵢⴰⵏ ⴷ ⵎⴰⵕⵕⴰ ⵜⵉⵔⵓⴱⴱⴰ ⵜⵉⵏⴰⵎⵓⵏⵉⵏ ⵜⵉⴷⵎⵙⴰⵏⵉⵏ ⵏ ⵜⵏⵣⵔⵓⴼⵜ ⵙⵙⵉⵟⵟⵉⵏⴻⵏⵜ ⵜⴰⵎⵍⵃⴰⴼⵜ ⴷ ⵜⴰⵎⴰⵜⴰⵔⵜ ⵏ ⵜⵎⴰⴳⵉⵜ ⴷ ⵓⴼⵓⵍⴽⵉ.

ⵜⴳⴰ ⵜⵎⵍⵃⴰⴼⵜ ⵜⴰⵔⵙⵡⴰⵢⵜ ⵉⵜⵜⵓⴳⴰⵏ ⵙⴳ ⵢⴰⵏ ⵍⵉⵥⴰⵕ ; ⴷⴰ ⵜⵙⵖⴰⵍ ⴳ ⵓⵎⴰⵜⴰ ⴽⴽⵓⵥ ⵏ ⵉⴷ ⵎⵉⵜⵔⵓ ⴳ ⵜⴰⵖⵣⵉ ⴷ ⵢⴰⵏ ⵎⵉⵜⵔⵓ ⴷ ⵓⵣⴳⵏ ⴳ ⵜⵉⵔⵓⵜ. ⴷⵉⴳⵙ ⴽⵉⴳⴰⵏ ⵏ ⵉⴷ ⵍⴽⵜⵜⴰⵏ ⴷ ⵉⴽⵯⵍⴰⵏ, ⴰⵔ ⵜⵜⵎⵣⵉⵔⵉⵢⵏ ⵉⵜⴰⴳⴳⵏ ⵏⵏⵙ ⴰⴽⴷ ⵜⵖⴰⵔⴰ ⵏⵏⵙ.

ⵜⴰⵎⴰⵜⴰⵔⵜ ⵍⵍⵉ ⵙ ⴱⴰⵀⵔⴰ ⵜⵙⵜⵉ ⵜⵔⵙⵡⴰⵢⵜ ⵜⵓⵏⵜⵉⵜ ⵜⴰⵙⵃⵔⴰⵡⵉⵜ ⵜⴳⴰ ⵜⵜ ⵜⴰⴼⵔⴰⵔⴰ ⵏⵏⵙ. ⵜⴳⴰ ⵢⴰⵜ ⵜⴰⴼⵓⵍⵜ ⵜⵓⴼⵔⵉⴷⵜ ⴰⴽⴷ ⵙⵏⴰⵜ ⵜⵎⵓⴽⵔⵉⵙⵉⵏ ⵜⵉⴼⵔⴰⵔⵉⵏ ⵙⵏⵏⵊ ⵉⵜⵜⵜⵢⴰⵎⴰⵥⵏ ⵙ ⵙⵏⴰⵜ ⵜⵙⵖⵏⴰⵙ ⵎⵉ ⵜⵜⵉⵏⵉⵏ “ ⵅⵉⵍⴰⵍⵉⵏ”, ⵍⵍⵉ ⵉⵜⵜⴰⵊⵊⴰⵏ ⵜⴰⵍⵍⵉ ⵜⵜ ⵉⵍⵙⴰⵏ ⴰⴷ ⵜⵙⵍⴻⵍⵍⵉ ⵉⴼⴰⵙⵙⵏ ⵏⵏⵙ ⴷ ⵉⵖⴼ ⵏⵏⵙ. ⵜⴻⵜⵜⵢⵉⴽⵔⵉⵙ ⵙⴳ ⵉⵖⴰⵔⵉⵡⵏ, ⵜⴻⵜⵜⵏⵏⴹ ⵉ ⵜⵉⴷⴷⵉ ⵃⵎⴰ ⴰⴷ ⵜⴷⵍ ⵎⴰⵕⵕⴰ ⵜⴰⴼⴳⴳⴰ ⵙⵍⵉⴷ ⵉⴼⴰⵙⵙⵏ ⴷ ⵡⵓⴷⵎ.

ⵉⵎⴽⵉⵏⵏⴰ ⵜⴳⴰ ⴰⵙⴽⴽⵉⵏ ⵏ ⵛⵛⵉⴽⵉ, ⵜⴻⵜⵜⵓⴳⴰ ⵜⵎⵍⵃⴰⴼⵜ ⴰⴷ ⵜⴻⵜⵜⵔⴰⵔⴰ ⵉⵥⵏⵥⴰⵕⵏ ⵉⴷⵓⵙⵏ ⵏ ⵜⴰⴼⵓⴽⵜ ⵜⴰⵙⵃⵔⴰⵡⵉⵜ ⴰⵔ ⵜⴻⵜⵜⴼⵔⴰⴳ ⵉ ⴰⵔⵔⵉⵎⵜ ⵙⴳ ⵜⴰⴼⵓⴽⵜ. ⴰⵔ ⴰⴽⴽⵯ ⵏⵜⵜⵖⴰⵍ ⵉⵙ ⴷⴰ ⵜⵙⵙⵍⵡⵉⵖ ⴰⴱⵟⵟⴰⵏ, ⵙ ⵍⴰⵡⴰⵏ ⴰⴽⴽⵯ ⵉⴳ ⵜⵖⵎⴰ ⵙ “ⵏⵏⵉⵍⴰ”, ⵢⴰⵜ ⵜⵎⵜⵜⴰ ⵜⴰⵥⵕⵡⴰⵍⵜ ⵉⵖⵓⴷⴰⵏ ⵏ ⵢⵉⵍⵎ.

ⵉⵎⴽⵉⵏⵏⴰ ⵜⴳⴰ ⴰⵙⴽⴽⵉⵏ ⵏ ⵛⵛⵉⴽⵉ, ⵜⴻⵜⵜⵓⴳⴰ ⵜⵎⵍⵃⴰⴼⵜ ⴰⴷ ⵜⴻⵜⵜⵔⴰⵔⴰ ⵉⵥⵏⵥⴰⵕⵏ ⵉⴷⵓⵙⵏ ⵏ ⵜⴰⴼⵓⴽⵜ ⵜⴰⵙⵃⵔⴰⵡⵉⵜ ⴰⵔ ⵜⴻⵜⵜⴼⵔⴰⴳ ⵉ ⴰⵔⵔⵉⵎⵜ ⵙⴳ ⵜⴰⴼⵓⴽⵜ. ⴰⵔ ⴰⴽⴽⵯ ⵏⵜⵜⵖⴰⵍ ⵉⵙ ⴷⴰ ⵜⵙⵙⵍⵡⵉⵖ ⴰⴱⵟⵟⴰⵏ, ⵙ ⵍⴰⵡⴰⵏ ⴰⴽⴽⵯ ⵉⴳ ⵜⵖⵎⴰ ⵙ “ⵏⵏⵉⵍⴰ”, ⵢⴰⵜ ⵜⵎⵜⵜⴰ ⵜⴰⵥⵕⵡⴰⵍⵜ ⵉⵖⵓⴷⴰⵏ ⵏ ⵢⵉⵍⵎ.

ⵍⵍⴰⵏ ⴽⵉⴳⴰⵏ ⵏ ⵡⴰⵏⴰⵡⵏ ⵏ ⵜⵎⵍⵃⴰⴼⵜ : ⵍⵍⴰⵏ ⵜⵉⵍⵍⵉ ⵉⵜⵜⵓⵍⵙⴰⵏ ⴽⵓ ⴰⵙⵙ, ⵉⵍⵉⵏⵜ ⵜⵉⵍⵍⵉ ⵉⴳⴰⵏ ⵜⵉⵏ ⵉⵙⵓⵍⴼⵏ ⵉⵎⵥⵍⴰⵢ ⴰⵎⵎ ⵜⵎⵖⵔⵉⵡⵉⵏ ⴷ ⵜⴼⵓⴳⵍⵉⵡⵉⵏ, ⵉⵍⵉⵏⵜ ⴷⵉⵖ ⵜⵉⵏⵏⴰ ⵉⵍⴰⵏ ⵢⴰⵏ ⵓⴽⵍⵓ, ⵉⵍⵉⵏⵜ ⵜⵉⵏⵏⴰ ⵎⵉ ⵉⵜⵜⵓⴳⴰ ⵓⵏⵇⴰⵛ ⵉⴼⵔⵓⵔⵉⵏ ⴷ ⵜⵎⵉⵜⴰⵔ ⵜⵉⵎⵥⵍⴰⵢ.

“ⴰⵍⵛⵉⴽⴽⴰ”, “ⴽⴰⵏⵉⴱⴰ”, “ⴽⴰⵥ”, “ⴽⵓⵏⵜⵉⵔ”, ⵛⵉⴼⵓⵏ”, “ ⵙⴰⵎⴱⵍ”, ⴳⴰⵏⵜ ⴰⴽⴽⵯ ⵜⵉⵎⵣⴰⵔⴰⵢⵉⵏ ⵏ ⵜⵎⵍⵃⴰⴼⵜ, ⵍⵍⵉ ⵎⵉ ⵙⵙⴽⴰⵏⴻⵏ ⵢⵉⵙⵡⴰⵎⵏ ⵜⴰⵖⴰⵔⴰ ⵏ ⵍⴽⵜⵜⴰⵏ, ⴰⵎⵎ ⵓⴼⴹⵓⵖ ⵉⵣⴷⴷⵉⴳⵏ, ⵏⵖ ⵢⴰⵜ ⵜⵎⴰⵜⴰⵔⵜ ⵜⴰⵎⵥⵍⴰⵢⵜ ⵏⵖ ⵢⴰⵏ ⵡⴰⵏⴰⵏ ⵏ ⵓⴽⵍⵓ.

ⴰⵎⵏ ⵉⵎⵣⴰⵔⴰⵢ ⵢⵉⵙⵎ ⵏⵏⵙ ⵙ ⵉⵎⵉⴽ ⵙⴳ ⵜⵎⴰⵣⵉⵔⵜ ⵖⵔ ⵜⴰⵢⵢⴰⴹ, ⵜⴻⵜⵜⵓⵍⵙⴰ ⵜⵎⵍⵃⴰⴼⵜ ⵖⵔ ⵎⴰⵕⵕⴰ ⵜⵉⵎⵖⴰⵔⵉⵏ ⵙ ⵓⵎⴰⵜⴰ ⵏ ⵜⵎⵏⴰⴹⵉⵏ ⵏ ⵉⴼⵔⵉⵇⵢⴰ ⴳ ⵜⵎⵙⴰⵔⵉⵏ ⵜⵉⵎⵥⵍⴰⵢ, ⵜⵉⴼⵓⴳⵍⵉⵡⵉⵏ ⴷ ⵜⵎⵖⵔⵉⵡⵉⵏ. ⴰⵔ ⵉⵜⵜⵓⵙⵓⵔ ⴷⵉⵣⴰⵢⵏ ⵏⵏⵙ ⵙ ⵜⴷⵍⵙⵉⵡⵉⵏ ⴷ ⵜⵎⵍⵙⴰ ⵏ ⵎⵏⵏⴰⵡⵜ ⵏ ⵜⵎⵉⵣⴰⵔ, ⵍⵍⵉ ⴳ ⵍⵍⴰⵏ ⵉⵡⵓⵏⴰⴽ ⵉⵎⵓⵏⵏ ⵏ ⵍⵉⵎⴰⵕⴰⵜ, ⵍⵀⵉⵏⴷ, ⴷ ⵎⵓⵔⵉⵟⴰⵏⵢⴰ ⵙ ⵓⵥⵍⴰⵢ.

ⵜⵙⵓⵍ ⵜⵓⵜⵜⵔⴰ ⵏ ⵜⵎⵍⵃⴰⴼⵜ ⴷⴰ ⵜⴻⵜⵜⴰⵍⵉ ⵖⵓⵔ ⵜⵎⵖⴰⵔⵉⵏ ⵏ ⵜⵏⵣⵔⵓⴼⵜ ⵡⴰⵅⵅⴰ ⵓⵍⵉⵏ ⵉⵜⴰⴳⴳⵏ ⵏⵏⵙ ⵙ ⴽⵉⴳⴰⵏ. ⵙ ⵜⵉⴷⵜ, ⴷⴰ ⵜⵜⵉⵍⵉⵏ ⵉⵜⴰⴳⴳⵏ ⵏ ⵜⵎⵍⵃⴰⴼⵜ ⵙⴳ 50 ⴷⵔⵀⵎ ⵉ ⵢⵉⵜⵙⵏⵜ ⵜⵎⵍⵃⴰⴼⵉⵏ ⴰⵎⵎ “ⴽⴰⵥ”, ⴰⵔ 20 000 ⴷⵔⵀⵎ ⵉ ⵢⵉⵜⵙⵏⵜ ⵉⴳⴰⵏ ⴰⵎⵟⵟⴰⵍⵙⵓ ⴰⵎⵣⴷⴰⴳ.