ⵎⵓⴷⴷⵓ ⵖⵔ ⵜⵏⵣⵔⵓⴼⵜ

ⵜⴰⵡⵔⵉⵔⵜ ⵜⴰⵎⵍⵍⴰⵍⵜ: ⵢⴰⵏ ⵡⴰⵏⵙⴰ ⴰⵢⵉⴽⵓⵍⵓⵊⵉⵢ

ⴳ ⵜⵓⴳⴳⵓⴳⵜ ⵏ 30 ⵏ ⵉⴷ ⴽⵉⵍⵓⵎⵉⵟⵕ ⵅⴼ ⵉⵖⵔⵎ ⵏ ⴷⴷⴰⵅⵍⴰ, ⵅⴼ ⵓⴼⵜⴰⵙ ⵏ ⵓⵖⵍⴰⵢ ⵉ ⵢⵉⵍⵍ, ⴱⴷⴷⴰⵏⵜ ⴽⵔⴰ ⵏ ⵜⵡⵔⵉⵔⵉⵏ ⵏ ⵓⵎⵍⴰⵍ, ⵅⴼ ⵡⴰⴽⴰⵍ, ⵖⵓⴷⴰⵏⵜ ⴱⴰⵀⵔⴰ, ⴰⵔ ⵜⵜⴰⵡⵉⵏⵜ ⵉⵥⵕⵉ, ⵜⵥⴹⴰⵕⵜ ⴰⴷ ⵜⴷⴷⵓⵜ ⵙ ⵖⵉⵏⵏⴰ, ⵏⵖ ⴰⴷ ⵜⵙⴽⵔⵜ ⴽⵔⴰ ⵏ ⵜⵏⵢⵓⴷⴷⵓⵜ ⵙ ⵡⴰⵏⵙⵉⵡⵏ ⵏⵏⴰ ⴰⵙ ⵉⵏⵎⴰⵍⴰⵏ, ⵏⵖ ⵅⵙ ⴰⴷⴷⴰⵢ ⵜⵙⵡⵉⵏⴳⵎⵜ ⴳ ⵉⴳⴹⴰⴹ ⴼⵍⴰⵎⵉⵏⴳⵓ, ⵏⵏⴰ ⵖⵓⵔ ⵉⵃⵍⴰ ⵡⴰⵏⵙⴰ ⵏⵏⴰⵖ. ⴰⵔ ⴷ ⵉⵜⵜⴹⵀⴰⵕ ⵡⴰⴼⵓⵍⴽⵉ ⵏ ⵉⴳⴰⴷⴷⵓⵏ ⵏⵖ ⵏ ⵜⵡⵔⵉⵔⵉⵏ ⵏ ⵓⵎⵍⴰⵍ ⵓⴳⴳⴰⵔ, ⴰⴷⴷⴰⵢ ⵜⵏ ⵜⵙⴹⵀⵕ ⵜⴰⵡⴰⵍⵜ ⵏ ⵢⵉⵍⵍ, ⴰⵔ ⴷ ⴳⵉⵏ ⵜⴰⴳⵣⵉⵔⵜ. ⵜⵉⵡⵔⵉⵔⵉⵏ ⴰⴷ ⵏ ⵓⵎⵍⴰⵍ ⴳⴰⵏⵜ ⵣⵓⵏⴷ ⴰⵢⵢⵓⵔ ⵉⵇⵇⴰⵏⴷ ⵅⴼ ⵎⴰⵜⵜⴰ ⵓⵏⵔⵣⴰⴼ ⵉⵍⵍⴰⵏ ⴰⴷ ⵜⵏ ⵢⵉⵥⵉⵕ.

ⵙⵙⴱⵅⴰ ⵏ ⵉⵎⵍⵉⵍⵉ: ⴰⴷⴰⵙⵉⵍ ⵏ ⵜⵉⴷⴷⵜ ⵏ ⵜⵡⵏⵏⴰⴹⵜ

ⵜⵓⵙⴰ ⴷ ⵙⵙⴱⵅⴰ ⵉⵎⵍⵉⵍⵉ ⵉⵡⵔⵉ ⵏⵏ ⵉ ⴷⴷⴰⵅⵍⴰ ⵙ 100 ⵏ ⵉⴷ ⴽⵉⵍⵓⵎⵉⵟⵕ, ⴳ ⵢⴰⵏ ⵡⴰⵏⵙⴰ ⴰⵏⵎⵏⴰⴹ ⵓⵔ ⵉⵍⵉⵏ ⴰⵏⴰⵡ, ⴰⵢⴷⴷⵖ ⵜⴳⴰ ⵙⴳ ⵡⴰⵏⵙⵉⵡⵏ ⵏ ⵜⵏⵉⵔⵉ ⵏⵏⴰ ⴱⴰⵀⵔⴰ ⵢⵓⴼⴼⵏ ⴳ ⵓⵎⴰⴹⴰⵍ, ⴰⴷⵖⴰⵔ ⴰⴷ ⵏⵏⴰ ⵉⵜⵜⵡⴰⵙⵙⵏ ⵙ ⵓⵎⵢⴰⵏⴰⵡ ⵏⵏⵙ ⴰⴱⵢⵓⵍⵓⵊⵉⵢ ⵢⵓⵎⵥ 20 ⵏ ⵉⴷ ⴽⵉⵍⵓⵎⵉⵟⵕ ⴰⵎⴽⴽⵓⵥ, ⵉⴷ ⵉⵎⴷⵡⴰⵏ ⵏⵏⵙ ⵏ ⵡⴰⵎⴰⵏ ⵉⵣⴷⵉⵏ, ⵓⵊⵊⴰⵏ ⵜⵜ ⴰⴷ ⵜⴳ ⵢⴰⵏ ⵡⴰⵏⵙⴰ ⵉⵜⴽⵯⴰⵔⵏ ⵙ ⴽⵉⴳⴰⵏ ⵏ ⵡⴰⵏⴰⵡⵏ ⵏ ⵉⵙⵍⵎⴰⵏ ⵏⵏⴰ ⵉⵙⵏⴼⴰⵍⵏ ⴰⴽⵍⵓ ⵏⵏⵙ, ⵓⵍⴰ ⵜⵉⴷⴷⵉ ⵏⵏⵙ, ⵃⵎⴰ ⴰⴷ ⵜⵎⵙⴰⵙⵉ ⴰⴽⴷ ⵜⵡⵏⵏⴰⴹⵜ ⵓⵔ ⵉⵍⵉⵏ ⴰⵏⴰⵡ. ⵉⴷⴷⴰ ⴷ ⴰⵡⴷ ⵓⵥⵍⴰⵢ ⵏ ⵙⵙⴱⵅⴰⵔ ⵏ ⵉⵎⵍⵉⵍⵉ ⵙ ⵜⵉⴷⵜ ⵙⴳ ⵉⵎⴷⵡⴰⵏ ⵏⵏⵙ, ⵏⵏⴰ ⵉⵜⵜⴰⴷⵊⴰⵏ ⴰⵎⴰⵏ ⴰⴷ ⵇⵇⵉⵎⵉⵏ ⴳ ⵡⴰⵏⵙⴰ ⵏⵏⵙⵏ ⴳ ⵢⴰⵏ ⵓⴷⵖⴰⵔ, ⴳ ⵓⵔ ⵉⵟⵟⴰⵕ ⵓⵏⵥⴰⵕ ⴰⵎⵔ ⵢⴰⵏ ⵉⵎⵉⴽ ⵏ ⵉⴷ ⵎⵉⵍⵉⵎ ⴳ ⵓⵙⴳⴳⵯⴰⵙ.

ⴰⴼⵜⴰⵙ ⵏ ⵜⴳⵣⵉⵔⵜ : ⵢⴰⵜ ⵜⵉⴼⵉⵍⵜ ⵏ ⵜⵥⵓⵕⵉ

ⵉⴳⴰ ⵓⴼⵜⴰⵙ ⵏ ⵜⴳⵣⵉⵔⵜ ⵙⴳ ⵉⴼⵜⴰⵙⵏ ⵉⵖⵓⴷⴰⵏ, ⵏⵏⴰ ⵉⵍⵍⴰⵏ ⴳ ⵍⵎⵖⵔⵉⴱ ⴷ ⵏⵣⵎⵔ ⴰⴷ ⵏⵉⵏⵉ ⴳ ⵓⵎⴰⴹⴰⵍ ⵇⵇⴰⵃ. ⵉⵍⵍⴰ ⵓⴼⵜⴰⵙ ⴰⴷ ⵅⴼ 8 ⵏ ⵉⴷ ⴽⵉⵍⵓⵎⵉⵟⵕ ⵏ ⵓⵎⵍⴰⵍ ⴰⵍⴳⴳⵯⴰⵖ, ⵢⴰⴳⴳⵓⴳ ⵅⴼ ⵙⵉⴷⵉ ⵉⴼⵏⵉ ⵙ ⵎⵔⴰⵡ ⵏ ⵉⴷ ⴽⵉⵍⵓⵎⵉⵟⵕ, ⴰⴼⵜⴰⵙ ⴰ ⵡⴰⵏⵉⵜⵉⵏ, ⵉⵟⵟⴰⴼ ⵉⴷ ⵍⴰⵇⵡⴰⵙ ⵉⵚⴱⵃⵏ, ⵉⴳ ⴰⵡⴷ ⵢⴰⵜ ⵜⵡⵓⵔⵉ ⵏⵏⴰ ⵜⵙⵙⴽⵔ ⵜⵡⵏⴰⴹⵜ, ⵉⴽⵯⵍⴰⵏ ⵏⵏⵙ ⴼⵓⵍⴽⵉⵏ, ⵙⵎⵓⵏⵏ ⴳⵔ ⵡⵓⵔⵖ ⵏ ⵓⵎⵍⴰⵍ ⴷ ⵓⵏⵉⵍⵉ ⵏ ⵢⵉⵍⵍ ⴷ ⵓⵛⵀⴰⴱ ⵏ ⵓⵥⵕⵓ, ⴰⵔ ⵉⵍⵙⵙⴰ ⵢⴰⵜ ⵜⵎⵍⵙⵉⵜ ⴱⴰⵀⵔⴰ ⵉⵖⵓⴷⴰⵏ ⴷⴰⵔ ⵓⵖⵍⴰⵢ ⴷ ⵓⵏⵇⴰⵕ ⵏ ⵜⴰⴼⵓⵢⵜ.

ⴷⴰⵅⵍⴰ, ⵉⵎⴳⵍⴻⵍ ⵏ ⵜⵓⵏⵏⵓⵏⵜ ⵏ ⵡⴰⵎⴰⵏ

ⵙ ⵉⵎⵔⵙⵉ ⵏⵏⵙ ⴰⵊⵢⵓⴳⵔⴰⴼⵉ, ⵙ ⵜⴼⴷⵉⵡⵉⵏ ⵜⵉⵏⵣⵡⴰⵢⵉⵏ ⵉⵖⵓⴷⴰⵏ ⴷ ⵜⵓⵙⴽⵉⵡⵉⵏ ⴱⴰⵀⵔⴰ ⵉⴱⵓⵖⵍⴰⵏ, ⵜⴳⴰ ⵜⵎⴱⴰⴹⵜ ⵏ ⴷⴰⵅⵍⴰ ⴰⵙⵉⴼ ⵏ ⵡⵓⵔⵖ ⴰⵏⵙⴰ ⵏ ⵜⵓⵏⵏⵓⵏⵜ ⵏ ⵡⴰⵎⴰⵏ. ⵓⴳⴳⴰⵔ, ⴳ ⴽⵔⴰ ⵏ ⵉⵙⴳⴳⵯⴰⵙⵏ, ⵜⴷⵡⵍ ⵜⴰⵎⵏⴰⴹⵜ ⴰ ⵜⴰⵏⵉⵜⴰ ⵜⴰⵏⵉⵍⴰ ⴱⴰⵀⵔⴰ ⵉⴼⵓⵍⴽⵉⵏ ⵉ ⴰⵢⵜ ⵜⵓⵏⵏⵓⵏⵜ ⵏ ⵡⵓⵛⵓⴹ ⵙⵡⴰ ⵉⵏⴰⵎⵓⵔⵏ ⵓⵍⴰ ⵉⵎⵣⵣⴰ.

ⵉⵎⴳⵍⴻⵍ ⵏ ⵜⵓⵏⵏⵓⵏⵉⵏ ⵏ ⵡⴰⵎⴰⵏ, ⵛⵛⴹⵏ ⵖⴼ ⵜⵍⵎⴰⴹ ⵏ ⴷⴰⵅⵍⴰ ⵙ ⵓⵙⵓⵍⴼ ⵏ ⵜⴱⵔⵣⴰ ⵜⴰⴳⵔⴰⵖⵍⴰⵏⵜ, ⴽⵉⴳⴰⵏ ⵏ ⵉⵎⵇⵔⴰⵏⵏ , ⵡⵉⵏⴷⵙⵓⵔⴼ, ⴽⵉⵜⵙⵓⵔⴼ ⴷ ⵜⵉⴼⵉⵍⵜ ⵎⵎ ⵓⴼⴰⴳⴳⵓ.

ⵍⵍⴰⵏⵜ ⵉⵎⵉⵔ ⴰ ⵜⵓⴳⴳⵜ ⵏ ⵜⵉⵏⵎⴰⵍ ⵏ ⵜⵓⵏⵏⵓⵏⵉⵏ ⵏ ⵡⴰⵎⴰⵏ ⵍⵍⵉ ⵉⵙⵏⵓⴱⴱⵓⴳⵏ ⵎⴰⵜⵜⴰ ⵓⵙⴳⴳⵯⴰⵙ ⵜⵉⵎⵉⴹⵉⵡⵉⵏ ⵏ ⵉⵎⴰⵍⵍⴰⵢⵏ ⵏ ⵜⵓⵏⵏⵓⵏⵜ ⵍⵍⵉ ⵎⴰ ⵜⵜⵓⴼⴽⴰⵏⵜ ⵜⵎⵙⵙⵉⵔⴷⵉⵏ ⵜⵓⴼⵔⵉⴷⵉⵏ ⵏⵖ ⵜⵉⵎⴳⵔⴰⵡⵉⵏ.

ⵜⴰⵎⵙⴽⵙⴰⵍⵜ ⵏ ⴽⵡⴰⴹ

ⵉ ⵉⵎⵙⴽⵙⴰⵍⵏ ⴷ ⵉⵎⵍⵎⴰⴷⵏ ⵏ ⵜⵓⴼⵔⴰⵢⵉⵏ ⵎⵣⵣⵓⵔⵏⵉⵏ, ⵓⵔ ⵉⵍⵍⵉ ⵎⴰⴷ ⵢⵓⴼⵏ ⵢⴰⵜ ⵜⵏⵢⵓⴷⴷⵓⵜ ⵙ ⴽⵡⴰⴹ ⴳ ⵜⵏⵣⵔⵓⴼⵜ. ⴳ ⵜⵙⴳⴰ ⵏ ⴷⴰⵅⵍⴰ ⴰⵙⵉⴼ  ⵡⵓⵔⵖ, ⵜⵜⵓⴳⵓⴰⵏ ⵉⴱⵔⴷⴰⵏ ⵉ ⵓⵎⵓⴷⴷⵓ ⵏ ⵓⵏⵔⵣⴰⴼ ⴳ ⵉⵙⴰⵏⴰⵢⵏ ⵉⴼⴰⵍⴽⴰⵢⵏ ⵍⵍⵉ ⵉⵍⵍⴰⵏ ⴳ ⵜⵙⴳⴰ ⵢⵉⵙⵉⵏ ⵜⵉⵎⵥⵍⴰⵢ ⵏⵏⵙ ⵙ ⴰⴽⴷ ⴰⵢⵜ ⵓⵅⴰⵎ ⵏⵏⵙ ⵏⵖ ⵙ ⵜⵢⵓⴳⴰ ⵏⵖ ⴰⴽⴷ ⵉⵎⴷⴷⵓⴽⴽⴰⵍ.

ⴰⵊⵖⵍⴰⵍ: ⵜⴰⵇⵚⵕⵉⵢⵜ ⵜⴰⴷⵖⴰⵔⴰⵏⵜ ⵓⵔ ⵉⵍⵉⵏ ⵉⵖⵉⵔ

ⵉⵜⵜⵡⴰⵙⵙⵏ ⵓⵊⵖⵍⴰⵍ ⵏ ⴷⴷⴰⵅⵍⴰ ⵛⵉⴳⴰⵏ, ⴰⵍⵍⵉⴳ ⴰⴽⴽⵯ ⵉⵜⵜⵢⴰⵙⵙⵏ ⴰⵡⴷ ⴱⵕⵕⴰ ⵏ ⵉⵡⵜⵜⴰ ⵏ ⵜⵎⵓⵔⵜ, ⵙ ⵜⵙⵎⴽⵜⴰ ⴷ ⵜⴰⴹⴼⵉ ⵏⵏⵙ ⵉⵖⵓⴷⴰⵏ. ⴳ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ, ⵢⴰⵖⵓⵍ ⵓⵊⵖⵍⴰⵍ ⵉⴳⴰ ⵢⴰⵏ ⵏ ⵓⵢⴰⴼⵓ ⴰⴷⵖⵔⴰⵏ ⴳ ⵜⵎⵏⴰⴹⵜ ⵏ ⴷⴷⴰⵅⵍⴰ, ⵎⵉⵏⵣⵉ ⵜⵜⵓⴳⵏ ⴷⴳⵙ ⴽⵔⴰ ⵏ ⵡⵓⵔⵜⴰⵏ ⵏ ⵓⵙⴳⵎⵉ ⵏ ⵉⵎⴰⴷⴷⴰⵔⵏ ⵏ ⵡⴰⵎⴰⵏ ⵙ ⵜⵖⵍⴰ ⵉⴱⵓⵖⵍⴰⵏ. ⴷ ⵡⵓⴳⴳⴰⵔ ⵏ ⵎⴰⵢⴰ, ⵉⵍⵍⴰ ⴳ ⵜⵎⵏⴰⴹⵜ ⴰⴷ 50 % ⵙⴳ ⵜⵢⴰⴼⵓⵜ ⵜⴰⵏⴰⵎⵓⵔⵜ ⵏ ⵓⵙⴳⵎⵉ ⵏ ⵉⵎⴰⴷⴷⴰⵔⵏ ⵏ ⵡⴰⵎⴰⵏ ⵏ ⵢⵉⵍⵍ. ⵔⴰⴷ ⵎⵎⵔⵏ ⵉⵎⴰⵔⴰⵢⵏ ⵏ ⵓⵊⵖⵍⴰⵍ ⵙ ⵢⵉⴼⵉ ⵏ ⵡⵓⵔⵜⴰⵏ ⵉⵥⵍⵉⵏ ⵉ ⵉⵎⵍⵡⴰⵖⵏ ⴰⴷ. ⵉⵜⵜⵓⴽⵔⴰⵣⵏ ⴳ ⵜⵡⵏⵏⴰⴹⵜ ⴰⴽⵉⴷⵙⵏ ⵉⵎⵙⴰⵙⴰⵏ, ⵍⵍⵉ ⴰⵙⵏ ⵢⴰⴽⴽⴰⵏ ⴽⵔⴰ ⵏ ⵜⴰⴹⴼⵉ ⴱⴰⵀⵔⴰ ⵉⵥⵍⵉⵏ.

ⴰⵜⴰⵢ: ⴷ ⴰⵎⵏⵙⴰⵢ ⵉⵛⵏⴰⵏ

ⵓⵔ ⵉⵍⵉ ⴽⵔⴰ ⵏ ⵢⴰⵏ ⵔⴰⴷ ⵉⵔⵣⴼⵏ ⵖⵔ ⵜⵏⵣⵔⵓⴼⵜ ⴱⵍⴰ ⵉⵎⴹⵉ ⴰⵜⴰⵢ, ⵍⵍⵉ ⵉⵜⵜⵓⵙⵏⴽⴰⴷⵏ ⵙ ⴽⵔⴰ ⵏ ⵜⵎⵢⵓⵔⵉⵏ ⵉⵥⵍⵉⵏ ⵙ ⵜⵏⵣⵔⵓⴼⵜ, ⵙ ⵓⵎⵎⴰⵜⵜⵉ ⵏ ⵜⵎⵢⵓⵔⵜ ⵜⵙⵓⵜⴰ ⵖⵔ ⵜⴰⵢⴹ. ⵉⴷⵡⵍ ⴷ ⵓⴳⴳⴰⵔ ⵉⵙ ⵉⴳⴰ ⵖⴰⵔ ⵡⵉⵏ ⵜⵉⵙⵙⵉ, ⵎⴰⵛⴰ ⴷ ⵜⴰⵢⵙⵉ ⵜⴰⵏⴰⵎⵓⵏⵜ ⴷ ⵜⴷⵍⵙⴰⵏⵜ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⴻⵜⵜⵢⴰⵡⵙⵙⴰⵏ, ⵜⴰⵎⴰⵜⴰⵔⵜ ⵏ ⵜⵉⵏⵏⵓⴱⴳⴰ ⴷ ⵜⵏⴼⴽⴰⵢⵜ. ⴰⵜⴰⵢ ⵏ ⵜⵏⵣⵔⵓⵜ ⵍⵍⴰ ⵜ ⵉⵙⴽⴰⵔ "ⵍⵇⴰⵢⵉⵎ" ⵙ ⵜⵍⴳⴰⵎⵜ ⵜⴰⵎⴽⵕⴰⴹⵜ ⵏ "ⵊ": ⵍⵊⵎⴰⵄⴰ (ⵜⵔⴰⴱⴱⵓⵜ ⵏⵉⵖ ⵜⴰⵔⴱⵉⵄⵜ), ⵍⵊⴰⵎⵎⵔ (ⵜⵉⵔⵔⴳⵉⵏ), ⵍⵊⴰⵕⵕ (ⴰⴼⵔⵔⵖ) ⵙ ⵓⵙⵏⴽⴷ ⵏⵏⵙ, ⵉⵎⵎⵉⵎⵏ ⴱⵍⴰ ⵍⵉⵇⴰⵎⵜ.